Ҡышҡы селлә башланды

Ҡыш үҙенең тулы хоҡуҡтарына эйә булды буғай. Бөгөн, 8 ғинуарҙа, ҡышҡы селлә башланды. Ул ҡырҡ көн дауам итәсәк һәм 18 февралдә генә тамамланасаҡ. Тимәк был көндәрҙә ҡыштың иң әсе һыуыҡтарын, ҡарлы - бурандарын көтөргә ҡала. Хәйер, бөгөн һәр кем селлә башланғанын тойғандыр, моғайын. Сикәләрҙе Ҡыш бабай семетеп-семетеп алды. Башгидрометтан хәбәр итеүҙәренсә, ошо көндмрҙә һауа температураһының түбәнәйеүе көтөлә. 9 ғинуарҙа иһә ҡар яуасаҡ. Һауа температураһы көндөҙ -8, -13 градус, аяҙытҡанда -18 градусҡа тиклем һыуытасаҡ.