Һуңғы йәшелсәләргә өлгөрөп ҡал!

#Һаҡмар_рецептарКәбеҫтә быйыл емерелеп уңды. Баҙарҙа ла ул бик күп, хаҡы ла арзан. Ошо витаминдарға бай йәшелсәне төрлө-ө-ө-ө итеп, ҡышҡылыҡҡа әҙерләйек. Мәҫәлән, щи! Ошо һәм башҡа еңел рецепттар буйынса эшкә тотонайыҡ. Ялыбыҙҙы файҙалы үткәрәйек!

Щи
Кәбеҫтә-1 кг, 1 кишер, 3 баш һуған, 2 бүлкә һарымһаҡ, ярты аш ҡалағы тоҙ, 1 балғалаҡ шәкәр, 150 мл көнбағыш майы, 2 аш ҡалағы 9% уксус, 5 аш ҡалағы томат пастаһы алына. Һуғанды шаҡмаҡлап, кәбеҫтәне оҙонсалай турайбыҙ, кишерҙе ҡырғыс аша үткәрәбеҙ ҙә, кәстрүлгә һалып болғатабыҙ. Тоҙ, шәкәр, көнбағыш майын өҫтәп, 30 минут самаһы бешерәбеҙ. Артабан томат пастаһы, ваҡ итеп туралған һарымһаҡты, уксусты өҫтәп, биш минут ҡайнатабыҙ ҙа, эҫе килеш стерилләнгән банкаларға һалабыҙ.