Бөтә яңылыҡтар
Файҙалы кәңәштәр
9 Август 2019, 21:39

"Ҡәйнә теле"

#Һаҡмар_рецептары"Ҡәйнә теле" тип аталған был әсе ҡабымлыҡ күңелгә ятып тора. Тәме менән лечоны ла хәтерләтеп ҡуя. Хәйер, эшләп ҡарайыҡ.(рецепты тулы килеш сайттан уҡығыҙ)

Ингридиенттар:

* 3 кг ҡабаҡ * 2-3 теш һарымһаҡ * 1 шт әсе борос * 5 шт татлы борос * 0,5 литр томат соусы * ярты стакан шәкәр * 1 стакан һыу * 1 стакан үҫемлек майы * 1,5 балғалаҡ тоҙ * 3 аш ҡалағы аш һеркәһе * бер нисә борсаҡлы борос * 3-4 шт ҡәнәфер орлоғо.


Ҡабаҡты ҡабығынан әрсеп, орлоҡтарынан таҙартабыҙ. Унан һаламлап турайбыҙ.

Ҡалған йәшелсәләрҙе ит турағыс аша үткәреп, тоҙ, май, шәкәр, аш һеркәһе өҫтәйбеҙ. Махсус һауытҡа һалып ҡайнатырға ҡуябыҙ. Ҡайнап сығыу менән кәстрүлгә ҡабаҡтарҙы һалабыҙ. 40 минут бешерәбеҙ.

Эҫе килеш стерилләнгән банкаларға һалып, ҡапҡастарын нығытабыҙ. Әйләндереп ҡуйып, һыуынғансы түшәк менән төрәбеҙ.

Ашығыҙ тәмле булһын!