Борщ өсөн тәмләткес

#Һаҡмар_рецептары Кемдәр борщ ярата? Ммм, ғәләмәт тәмле аш. Әйҙәгеҙ баҡсабыҙҙан сөгөлдөр, кишер, һуған, помидор, татлы борос кеүек йәшелсәләрҙе йыйып алайыҡ та ҡышҡылыҡҡа борщ өсөн тәмләткестәр яһап ултыртайыҡ.(рецепты сайттан уҡығыҙ)

Кемдәр борщ ярата? Ммм, ғәләмәт тәмле аш. Әйҙәгеҙ баҡсабыҙҙан сөгөлдөр, кишер, һуған, помидор, татлы борос кеүек йәшелсәләрҙе йыйып алайыҡ та ҡышҡылыҡҡа борщ өсөн тәмләткестәр яһап ултыртайыҡ.

Ингридиенттар:

* 3 кг сөгөлдөр

* 1 кг кишер

* 1 кг башлы һуған

* 1 кг татлы борос

* 1 кг помидор

* 1 стакан шәкәр

* 3 аш ҡалағы тоҙ

* 1 стакан үҫемлек майы

* 125 мл 9% аш һеркәһе

Һанап үтелгән аҙыҡ-түлектән яҡынса 12 ярты литрлыҡ тәмләткес сыға.

Бар йәшелсәләрҙе йыуып, таҙартып ҡуябыҙ. Һуғанды яртылаш йә дүрткә бүлеп, ярым балдаҡлап турайбыҙ. Сөгөлдөр менән кишерҙе эре ҡырғыстан үткәрәбеҙ. Боросто һалам кеүек оҙонсалап турайбыҙ. Помидорҙы ярым түңәрәк итеп ҡырҡып сығабыҙ. Тоҙ, шәкәр, аш һеркәһе һәм майҙы ҡушып, һүрән генә утҡа ултыртып ҡайнатырға ҡуябыҙ. Һыуы сығыу менән утты көсәйтәбеҙ ҙә йәнә 25 минут бешерәбеҙ.

Стерелләнгән банкаларға һалып, ҡапҡасын нығытып ҡуябыҙ.