Магазиндан тупраҡтың сифатлыһын ал!

#Һаҡмар_кәңәш_итәБының өсөн бер нисә ҡағиҙәне лә күҙ уңында тотоу етә.(тулыраҡ сайттан уҡығыҙ)

Беренсенән, һәр саҡ уның һаҡланыу ваҡытын тикшерегеҙ. Мөмкинлек булһа, күгәргәнме-юҡмы икәнлеген дә тикшерегеҙ.

Икенсенән, «pH»ын тикшереп ҡарағыҙ. Ул 6,5-6,7 күләмендә булырға тейеш. Әҙерәк булған осраҡта тупраҡҡа эзбиз ҡушырға тура киләсәк.

Өсөнсөнән, ҡушылмалағы азот, калий һәм фосфор күләмен ҡарар кәрәк. Улар 300 мг/л-ан артырға тейеш түгел.

Дүртенсенән, тупраҡ сифатлы компоненттарҙан торорға тейеш. Унда кәҫ, торф, ҡом, ағас онтағы, кокос сүсе (волокна), эзбис булырға тейеш.

Бишенсенән, япраҡ, серетмә, тауыҡ тиҙәге, тиреҫ, ағас юнысҡыһы һәм һалам ҡушылған тупраҡ туҡлыҡлы матдәләргә ярлы була, уның сифаты алама.

Алтынсынан, өҫкө ҡатламдағы торф әҙерәк булырға тейеш. Юғиһә тупраҡ самаһыҙ әсе килеп сыға.

Етенсенән, тупраҡ ҡатнашмаһы йомшаҡ булырға тейеш. Уның иң эре компоненты ла 3-4 миллиметрҙан үтергә тейеш түгел.

Читайте нас:

Редакция һайлауы