Эшҡыуарҙар мәрхәмәтлек күрһәтә

Баймаҡ эшҡыуарҙары урындағы дауаханаға даими рәүештә ярҙам күрһәтеүе сер түгел. Был бөтәбеҙ өсөн дә ҙур шатлыҡ. Күптән түгел улар күмәк көс менән үпкәне яһалма тын алдырыу аппараттары алып биреп һөйөндөргәйне. Бының менән генә улар сикләнеп ҡалмаған. Ошо көндәрҙә иһә Баймаҡ ҡалаһының "Складок" сауҙа нөктәләре хужаһы Рәшит Йәнтүрин дауаханаға 102 матрас тапшырҙы.

Шуныһы ҡыуаныслы, райондың социаль йүнәлештә эшләгән эшҡыуарҙары йыш ҡына мәрхәмәтлек акцияһында ҡатнаша. Бөгөн илдә барған пандемияға ҡаршы шундай күмәк көс менән ҡаршы тора алырыбыҙға шик юҡ.

Афарин, эшҡыуарҙар!