Икмәк апай - Сания

16 октябрь-Халыҡ- ара икмәк көнө.

Икмәк--ғүмер! Ул ҡан тибешендә,

Ул хеҙмәт һәм байрам төҫөндә.

Башҡа ниндәй исем ҡушыр кәрәк

"Икмәк"тигән бөйөк исемгә.

Н Нәжми.

Икмәк баһаһыҙ. Уның беҙгә арзан хаҡҡа һатылыуы уның арзан табылыуын аңлатмай. Хәҙерге көндә лә әҙер ондан икмәк бешереүе еңел түгел, уның өсөн күпме көс киткәнен көн - төн тимәй икмәк бешереүсе Сания Роберт ҡыҙы беләлер. Уның бешергән икмәктәре хәҙер бар районға билдәле инде. Ауыл мейесендә, күпереп бешкән ҡомалаҡ икмәген һәр һатып алыусы маҡтап ҡына тора, аяттарға маҡсус заказ менән бешертеп алалар. Көн һайын ул 40 икмәк бешерә һәм Баймаҡ ҡалаһында Байҡара, Зөфәр магазиндарында һатыуға тапшыра. Алдағы көндәрҙә уның планында Таулыҡай ононан икмәк бешереп һатыу. Сөнки ауыл тирмәнендә тартырылған он күпкә файҙалы һәм икмәге лә тәмлерәк була ти уңған хужабикә. Бына шундай уңған, һоҡланырлыҡ ҡатындар йәшәй Мерәҫ ауылында.