"Орхидея"нан - сәскәләр!

Баймаҡ ҡалаһының "Орхидея" магазины тәүлек әйләнәһенә хеҙмәт вахтаһында ҡалыусыларға сәскә гөлләмәһе бүләк итте. Рәсәйҙә, республикала, шулай уҡ беҙҙең районда ла тулы карантин иғлан ителгәндә, ҡайһы бер ойошма, учреждение хеҙмәткәрҙәре халыҡ именлеген һаҡлап, эш урындарында ҡалырға мәжбүр. Шуны иҫәпкә алып, "Орхидея" сауҙа нөктәһе эшҡыуары Ибраһимовтар дауахана, эске эштәр бүлегенең гүзәл заттарына сәскә гөлләмәләре бүләк итте. Бының менән улар ябай булмаған шарттарҙа эшләгән ханымдарҙың күңелдәрен күтәреп ебәрҙе. Шундай эшҡыуарҙарға, әлбиттә,

ҙур рәхмәт! Афарин, Ибраһимовтар!