Йома иртәһе мөбәрәк булһын!

Урам тәҙрәһенән ҡарап торам,
Яйлап ҡына һыҙылып таң ата.
Йома иртәһе, күңелемә рәхәт,
Ярҙамыңдан, Раббым, ташлама.
Бөтәбеҙгә бүләк ит һин ғүмер,
Борсоу-ҡайғыларҙы алып кит.
Күңел тыныслығы, тәнгә һаулыҡ,
Бәрәкәтле тормош насип ит.
Ҡөҙрәтең киң, һинең ҡулда бары,
Бер үҙеңдән генә һорайбыҙ.
Күктәребеҙ аяҙ, илебеҙ имен,
Тыныс булһын инде йәнебеҙ.
Ләә иләәһәә илләАллаһу тием,
Теләктәрем күктәргә ашһын.
Ил һаҡларға киткән ил-улдары,
Иҫән-имен әйләнеп ҡайтһын!
Йома иртәһе мөбәрәк булһын!!!
🤲
Гөлфиә Хәтмуллина