ЯҘМЫШТАРҘАН РИЗА БУЛАЙЫҠ

Бисмилла, тип иртән таң атҡаста 

Рәхмәт әйтеп доға ҡылайыҡ. 

Һөйөндөрөп, бер аҙ көйҙөрһә лә 

Яҙмыштарҙан риза булайыҡ. 

Бер-бер артлы һынау килгәндә лә, 

Башты эймәй тура атлайыҡ. 

Һәр кисергән әрнеү- ғазаптарҙан, 

Яҙмыштарҙан риза булайыҡ. 

Шөкөр, Хоҙай беҙгә ғүмер биргән, 

Һаулыҡ биргән, шуны һаҡлайыҡ. 

Яҙмыштарҙан уҙмыш булмай тиҙәр 

Булғанына риза булайыҡ. 

Гөлшат Дәүләтшина.