Бөтә яңылыҡтар
Дин һәм иман
7 Май , 23:12

Ҡәҙер кисе

Дини китаптарҙа әйтелеүенсә, Ҡәҙер кисе бүтәндәренә оҡшамаған. Быйыл ул 8 майҙан 9 майға ҡараған төндә буласаҡ, тип күҙаллана. Был кис ныҡ яҡты була, ай һәм йондоҙҙар сағыуыраҡ балҡый, еләҫ ел иҫә. Бындай илаһилыҡтан әҙәм балаһы һүҙ менән әйтеп аңлата алмаҫлыҡ кинәнес кисерә, уҡыған намаҙҙарынан айырыуса ҙур рәхәтлек ала, күңелендә иман арта.#һаҡмар_доға

Дини китаптарҙа әйтелеүенсә, Ҡәҙер кисе бүтәндәренә оҡшамаған. Быйыл ул 8 майҙан 9 майға ҡараған төндә буласаҡ, тип күҙаллана. Был кис ныҡ яҡты була, ай һәм йондоҙҙар сағыуыраҡ балҡый, еләҫ ел иҫә. Бындай илаһилыҡтан әҙәм балаһы һүҙ менән әйтеп аңлата алмаҫлыҡ кинәнес кисерә, уҡыған намаҙҙарынан айырыуса ҙур рәхәтлек ала, күңелендә иман арта.
Ҡәҙер кисендә фәрештәләр ергә төшөп, фарыз ғәмәл-ғибәҙәт­тәрҙе үтәгән – намаҙҙа, зекерҙә булған, ата-әсәһенә ихтирам-хөрмәт күрһәткән иманлыларға доға ҡыла. Изге мәлде ғибәҙәткә бағышлаған әҙәм балаларына әжер-сауап мул яҙыла. Фәрештәләр менән бергә ергә изгелек, бәрәкәт һәм мәрхәмәт төшә.
Ошондай мәлдә мосолман йоҡлап ҡалмаҫ, тиелә дини китаптарҙа, изге төндөң бөйөклөгөнә ихлас ышаныу, гонаһтарҙың кисерелеренә өмөтләнеү киләһе көндәргә бәрәкәт өҫтәр.