Ямғыр теләү доғаһы

Әғүҙү билләһи минәш-шәйтаанир -ражим,Бисмилләһир-рахмәәнир-рахиим.Эй,Хоҙайым!Беҙ бит үҙеңЯратҡан әҙәм заты,Белеп тә,белмәй ҙә ҡылғанЯҙыҡты ғәфү ҡылсы!Анау ҡара болот килепЕр-Әсәне, ағастарҙы,Һыуға сарсаған донъяныҺыуға туйындырһасы.. . Дауамы беҙҙең сайтта.

Ямғыр теләге.

Әғүҙү билләһи минәш-шәйтаанир -ражим,

Бисмилләһир-рахмәәнир-рахиим.

Эй,Хоҙайым!Беҙ бит үҙең

Яратҡан әҙәм заты,

Белеп тә,белмәй ҙә ҡылған

Яҙыҡты ғәфү ҡылсы!

Анау ҡара болот килеп

Ер-Әсәне, ағастарҙы,

Һыуға сарсаған донъяны

Һыуға туйындырһасы.

Беҙ ҡолоңдо ҡотҡарыусы,

Тау, үҙәндәр һуғарыусы,

Һуңға ҡалмаған файҙалы

Ямғырҙарың бирһәңсе!

Үҙеңдең фазыйләттәрең

Рәхмәттәрең төшһәсе,

Зарарлы түгел, файҙалы

Ямғырҙар яуҙырһаңсы!

Ысын күңелдән теләгән

Изге теләктәребеҙ,

Ҡабул ғына булһасы,

Мәхрүм генә итмәсе!

Аллаһүммә әғыйҫнә!

Лә-Иләһә-Илләл-лаһ!(Амин!)

Ахмадиева Гүзәл-Өмөтбикә.14.06.2020й.

Читайте нас:

Редакция һайлауы