Тағы ла юлдар ябылды

Һауа торошоноң ҡар-бураны тағы ла юлдарҙы сикләргә мәжбүр итте. Кисә киске сәғәт 7-нән алып 11 марттың иртәнге сәҫәте 9-ға тиклем Юлдыбай – Аҡъяр – Сара юлында (1+325 – 25+400 километрҙа) бөтә төр транспорт саралары өсөн хәрәкәт итеү ваҡытлыса сикләнде. Бик тә кәрәк булмаған осраҡта өйҙә ҡалыуығыҙҙы һорайбыҙ.

Ә шулай ҙа юлда булып та, ярҙам кәрәк булған осраҡта, түбәндәге телефон һандары аша шылтыратырға мөмкин:

Ашығыс хеҙмәттәрҙең берҙәм телефоны – 112.

“Урал буйы” идаралығының тәүлек әйләнәһенә эшләгән диспетчер хеҙмәте телефоны – 8-917-046-79-53.

Өфө ҡалаһындағы Коммуналь хужалыҡ идаралығының тәүлек әйләнәһенә эшләгән диспетчер хеҙмәте телефоны – 8-347-273-39-94.

Башҡортостан Юл хужалығы идаралығының тәүлек әйләнәһенә эшләгән диспетчер хеҙмәте телефоны – 8-927-955-11-00.

Фото "Бәйләнештә" селтәренән алынды.