Өфөлә иҫәпкә һәйкәл асылды

Өфөлә иҫәпкә һәйкәл асылды. Арт-объект Башҡортостан статистика идаралығы бинаһы янында урынлашҡан. Тантана Бөтә донъя статистика көнөнә арналды. Иҫке өҫтәл, ҡара һәм ҡаурый – мемориал иҫәп-хисап хеҙмәтендә эшләгәндәргә хәтер һәм хөрмәт билдәһе. Иҫәптең төймәләрен шылдырып була. Тантанала билдәләнеүенсә, Өфөлә губерна иҫәп комитеты илдә тәүгеләрҙән булып формалашҡан һәм уның тарихы бай.

Өлкә белгестәре алдында 2021 йылға күсерелгән Бөтә Рәсәй халыҡ иҫәбен алыу бурысы тора. Белеүебеҙсә, алда торған Бөтә Рәсәй халыҡ иҫәбен алыу заманса технологиялар ҡулланып башҡарыласаҡ. Ә был иҫәп таясҡылары - тарихта ҡалды.