Һаҡмар
-25 °С
Болотло
75 лет Победы
Бөтә яңылыҡтар
Дөйөм мәҡәләләр
25 Апрель 2020, 20:55

"Китапханала төн" акцияһы - Билалда

Бөгөн район китапханаларының барыһында ла "Китапханала төн" акцияһы бара. Ә бына Билалда ул үҙенсәлекле булыуы менән айырылып торҙо. Бында сара Бөйөк Еңеүҙең 75 йыллығына арналды һәм ул "түңәрәк өҫтәл" форматында барҙы. Әлбиттә, үҙҡурсалау талаптарын күҙәтеп, ул ситтән тороп ойошторолдо. #Һуғыштураһында75һүҙ#75слововойне

Китаптарҙа һуғыш хәтере
Билалда үткән китапхана төнө Бөйөк Еңеүҙең 75 йыллығына арналды. Әлбиттә, үҙҡурсалау талаптарын күҙәтеп, ул ситтән тороп уҙҙы. Уны китапханасы Райхана Булатова һәм ҡатын-ҡыҙҙар советы ойошторҙо.
Һуғыш хәтере беҙҙең шиғырҙарыбыҙҙа, йырҙарыбыҙҙа, бейеүҙәребеҙҙә, китаптарыбыҙҙа, матбуғат биттәрендә, беҙҙең йөрәктәрҙә. Шуға күрә лә, "Китаптарҙа һуғыш хәтере" исемле "түңәрәк өҫтәл" артына һөйләшеүгә Билал ауылы ҡыҙы, "Шоңҡар" журналы хәбәрсеһе, яҙыусы Гөлнара Мостафина, Билал ауылы ҡыҙы яҙыусы, мәғариф ветераны, әлеге ваҡытта Әбйәлил районы Хәлил ауылында йәшәүсе Флүрә апай Низамова, райондашыбыҙ, шағирә, мәғариф ветераны Фирүзә апай Абдуллина, һәүәҫкәр композитор, мәғариф ветераны Вилүр Шәкирйән улы Мәүлитов, мәғариф ветераны, урындағы ҡатын - ҡыҙҙар советы рәйесе Илдүсә Азат ҡыҙы Әминева, Билал мәктәбе уҡыусылары Юлдаш Булатов, Сыңғыҙ Ильясов, Айнур Әхмәтовтар саҡырылды. "түңәрәк өҫтәлдә" ҡатнашыусыларҙың телмәрендә һуғыш ветерандарына дан йырланды, һуғышҡа нәфрәт сағылып ятты.
Байрам шундай юғары кимәлдә ойошторолдо. Ситтән тороп булһа ла. Сарала ҡатнашыусылар йөрәк түренән сыҡҡан һүҙҙәрен еткерә алды.
Читайте нас в