Уйнайыҡ бергәләп!

Ҡыштың һәр бер көнө матур хәтирәләр ҡалдыра. Асыҡ һауала уйындар, спорт залдарында ярыштар... Береһен икенсеһе алыштырып ҡына тора. Уларҙың һәр береһендә ҡатнашып түгел, ситтән генә булһа ла ҡарап тороп өлгөрөү мөмкин түгел. Баймаҡ ҡалаһының “Йәш техниктар станцияһы” педагогтары Салауат Юлаев исемендәге мәҙәниәт һәм ял паркында балалар өсөн төрлө уйындар ойошторҙо. Рәхәтләнеп саф һауала уйнап, йомаҡтар “ҡойоп”, тауҙан шыуып ҡайттылар. Теләгәндәр шунда уҡ һырғалаҡтан эйҙеләр, конькиҙа, санала, саңғыла ла шыуҙылар.