"Айыуҡай" ҙар изге эштән ситтә ҡалманы

Ҡаланың "Айыуҡай" балалар баҡсаһы яугирҙәргә бик күп итеп гуманитар ылау әҙерләне. Улар араһында бишбармаҡ, быҡтырылған ит, сәк-сәк, киптерелгән ҡорот, бал һәм башҡа аҙыҡ-түлек, медикаменттар, йылы ойоҡбаш һәм бейәләйҙәр, шапка, трико, көнүреш әйберҙәре бар ине. Йыйылған ярҙам район үҙәгендәге ирекмәндәр төркөмөнә тапшырыласаҡ.

Балалар баҡсаһы мөдире Рәзинә Байегетова изге эшкә үҙ өлөшөн индергән коллегаларына, тәрбиәләнеүселәрҙең ата-әсәләренә рәхмәт һүҙҙәрен еткерҙе. "Берҙәмлектә - көс. Һәр саҡ әлегеләй бергә һәм берҙәм булайыҡ", - тине Рәзинә Мөнир ҡыҙы. Афарин, "Айыуҡай"ҙар!