Әүлиәләр иле

Әүлиәләр иле

Мотал Рәмов Һүҙҙәре, Илшат Яхин көйө

Шәхестәрҙе шәхес иткән төйәк,

Башҡорт ғорурлығы һин, Баймаҡ!

Милләт йөҙөн бары һиндә күрәм,

Һин илемдә һүнмәҫ нур һымаҡ!

Ҡушымта:

Баймаҡ, Баймаҡ – әүлиәләр иле,

Һиндә үҫә ирҙең аҫылы.

Күпме таланттарға ғүмер бирҙең һин,

Бары һиндә ғүмерем асылы!

Ирәндекте иңләп һуҙылғанһың,

Йылға-күлең – торған хозурлыҡ!

Башҡортомдоң рухи мәккәһе һин,

Бар йәһәттән өлгө алырлыҡ!

Ҡушымта:

Баймаҡ, Баймаҡ – әүлиәләр иле,

Һиндә үҫә ирҙең аҫылы.

Күпме таланттарға ғүмер бирҙең һин,

Бары һиндә ғүмерем асылы!

Илдән-илгә шаңдау булып оса

Талҡаҫыңдың дан һәм шөһрәте.

Алыҫ ҡитғаларға барып етте

Әүлиәләреңдең ҡөҙрәте!

Ҡушымта:

Баймаҡ, Баймаҡ – әүлиәләр иле,

Һиндә үҫә ирҙең аҫылы.

Күпме таланттарға ғүмер бирҙең һин,

Бары һиндә ғүмерем асылы!