Башҡорт джины

Мәскәүҙә йәшәүсе бер башҡорт светофорҙа Тойотаһы менән текә генә джиптың артына барып төкөй, ти. Джиптан бер-бер артлы әзмәүерҙәй, уҫал ҡарашлы дүрт кафказ сырайлы ир килеп тә сыҡҡан.

- Егеттәр, аңлайым. Минең хата! Урамда буш хәбәр сәйнәп тороп булмай бит инде, әйҙәгеҙ, мин яҡында ғына торам. Шунда барыһын да хәл итербеҙ. - ти.

Башҡорттоң фатирына килеп инәләр былар. Башҡорт кәштә артынан боронғо ғына сәйнүген килтереп сығара ла, таз да быз килтереп ыуа башлай. Оҙаҡламай сәйнүктән джин килеп сыға.

- Тыңлайым әфәндем! Ни бойорорһоң?

- Күрмәйһеңме әллә, ҡунаҡтар килгән бит! Йә, йәһәт кенә, сәй-мәй шунда...

Тегеләрҙең күҙҙәре маңлайға менгән!!!

- Башҡорт, тыңла әле. Беҙҙең джипты үҙеңә ал. Багажнигында дүрт йәшник доллар ята. Тик ошо сәйнүгеңде беҙгә бирәһең!

- Нимә тиһең инде. Мин ғәйепле бит. Килештек, алығыҙ! - ти башҡорт. )

Теге егеттәр тиҙ генә өйҙәренә ҡайталар ҙа сәйнүкте тызыра башлай. Бына джин килеп сыға ла:

- Хәйерле сәғәттә, яңы әфәнделәрем! Ни бойорорһоғоҙ? - ти.

- Иң тәүҙә, һәр беребеҙгә багажнигы аҡса менән тулы берәр джип!

- Эээ... Дуҫтар, туҡтағыҙ әле, мин башҡорт джины... Мин сәй-мәй генә...

Фото асыҡ сығанаҡтан алынды: i