Ҡайтаһыңмы, балам?..

- Ҡайтаһыңмы, балам, был аҙнала

Ейәндәремде бигерәк һағындым.

Туҡмас киҫеп ҡуйҙым, бәлеш һалам,

Хәл алырһығыҙ, мунса сабынып.

- Беләһең бит, әсәй, эштәр тығыҙ,

Өс ҡатлы йорт яңы төҙөнөк.

Шәмбе көнө йыһаз килтерәләр,

Мәшәҡәттәр тора теҙелеп.

- Был байрамда дүрт көн ял була, ти

Ҡайтаһығыҙҙыр инде, иркенләп?

- Ваҡыт теймәҫ, дача баҡсаһында

Үтәр инде уның дүрте лә.

- Отпускыңда көтәм, балаҡайым,

Ейәндәрҙе килә ҡосаһым.

- Көтмә, әсәй, билет алдыҡ күптән,

Таиландҡа бөгөн осабыҙ.

- Хәлдәр нисек, әсәй? Ҡайтырға сығабыҙ,

Бүләктәр һиңә алдыҡ...

- Әсәйегеҙ ҡапыл үлеп китте

Урам ҡапҡаһына һөйәлеп...

Илдар Хафизов. 

(Лилиә Такаева тәржемәһе)

Фото асыҡ сығанаҡтан алынды:tMRwwVaJd0c