Яҡташыбыҙҙың ижад кисәһе үтте

Башҡортостандың атҡаҙанған артисы Шәһит Хамматовтың "Тураһын әйткәндә" тигән проекты бар. Был проект сиктәрендә яҡташыбыҙ, шағирә, яҙыусы, юморист Рәзилә Ырыҫҡужинаның ижад кисәһе үткәрелде.

Сарала күптән түгел донъя күргән "Моң" китабының исем туйы үтте һәм Рәзилә Ырыҫҡужинаның ижадына байҡау яһалды.

Тамашалар залы тиҙ арала яҡташыбыҙҙың ижадын үҙ иткән әҙәбиәт һөйөүселәр менән тулды. Тантананы йырсы Нәркәс Сиражетдинова, Мостай Кәрим исемендәге Милли йәштәр театры актерҙары биҙәне.