Ғәйбәт

Ҡиәмәт көндө берәүҙең ғәмәл дәфтәрен уң ҡулына биргәндәр. Белеүегеҙсә, уң ҡулға бирелгән дәфтәрҙә изге ғәмәлдәр яҙылған була. Был кеше алып ҡарай дәфтәрен, унда бары тик изге ғәмәлдәр генә яҙылған, ти.

- Әй, Илаһым, был яҙыуҙар минеке түгел, минең бер ҡасан да игелек эшләгәнем булманы. Фәрештәләр яңылышҡан, моғайын.

Шул ваҡыт бер йәшерен тауыш:

- Дәфтәр һинеке. Ҡайһы берәүҙәр һине яманлай, ғәйбәт һата, һине һөйләйҙәр, көнләйҙәр. Улар шуның менән үҙҙәренә гонаһ алды. Ә һинең был турала бер хәбәрең дә булманы. Изге ғәмәлдәр шуның өсөн дә һиңә яҙылды, - тигән.

Фото асыҡ сығанаҡтан алынды: adPQ0O0drNc