ҠАЛҠАН

Күк төптәре ҡапыл сарпылды ла,
Минең менән илай бөтә ғаләм.
Йәнә күҙ йәшенә ҡойондорҙо
Таҙарынһын, тиеп, Хаҡ Тәғәләм.

Мең һөңгөлө яуҙай - ҡара ямғыр
Ағартам тип, үтте йәнгә, лысма.
Сәскә тиклем ағарышып ҡалғас -
Аҡлыҡ гел шатлыҡ тип яңылышмам...

Баҫып килгән хәсрәт атының да
Дағалары ҡубыр бер сиратта...
Сабырлыҡты көмөш ҡалҡан итеп
Күкрәгемә баҫтым зарураттан.

(Гөлнара Хәлфетдинова)

Фото асыҡ сығанаҡтан алынды:scale_1200