Иҫем китмәй ситтә үҫкән әфлисунға, бананға...

Америка санкциялар

Иғлан иткән, ти беҙгә

Ишшеү һәйбәт, байлығыбыҙ

Ҡалыр тик үҙебеҙгә.

Илдән киткән “Мастер”,

“Виза” тигән карталар.

Аҡса булһын өйөм тулы –

Өс литрлыҡ банкалар.

Сәйәхәткә йөрөп булмай:

Мишәйт итә санкция.

Башҡортостанды гиҙербеҙ –

Икенсе Щвейцария!

“Марс”, “Сникерс”, “Баунти”,

Булмай ти “Кока-Кола”.

Үҙебеҙҙең ҡымыҙ барҙа

Унһыҙ ҙа йәшәп була.

Ҡурҡыттым, тип уйлайһыңдыр,

Уяттың Америка.

Элек йырлай торған инек, хәтерләйһегеҙме:

“Иҫем китмәй ситтә үҫкән

Әфлисунға, бананға.

Әсе булһа ла ғашиҡмын,

Миләш менән баланға...”

Авторы билдәһеҙ. Әгәр белһәгеҙ, яҙығыҙ әле зинһар. Шундай шәп таҡмаҡ авторһыҙ йөрөмәһен.

Фото интернеттан алынды.