19 ғинуар — Тормош юлдашы көнө!

Ғаилә тормошонда ышаныслы терәк булған яҡын кешеләрегеҙгә рәхмәт әйтеү, ә мәрхүм булғандарын иҫкә ала торған көн. Тормошобоҙ ҡушылғаны бирлеУртаҡ яҙмыш менән көн күрәм.Йән өшөтөр шыҡһыҙ көҙҙәрҙә ләҮҙ тирмәмдә һәр саҡ моң тирәм.Юлда тотҡарланып оҙаҡлаһаң,

Уртаҡ яҙмыш

Тормошобоҙ ҡушылғаны бирле
Уртаҡ яҙмыш менән көн күрәм.
Йән өшөтөр шыҡһыҙ көҙҙәрҙә лә
Үҙ тирмәмдә һәр саҡ моң тирәм.

Юлда тотҡарланып оҙаҡлаһаң,
Йоҡом ҡаса таңдар атҡансы.
Ҡабат-ҡабат ҡайнарлатҡан ризыҡ
Һине көтә ҡояш батҡансы.

Хәсрәтеңде, бәлә-ҡазаларың,
Сирҙәреңде алам үҙемә.
Был донъяның барлыҡ мәшәҡәтен,
Хәстәрҙәрен һалам иңемә.

Һәр һүҙеңдә ҙур мәғәнә тоям,
Күҙҙәреңдә – тотош ғаләмде,
Бер-береңә шулай кәрәк булыу
Йәшәтәлер ерҙә әҙәмде.

Зөһрә Ҡотлогилдина.