-4 °С
Болотло
Бөтә яңылыҡтар
Әҙәби бит
25 Апрель 2020, 00:25
Баймаҡ
Лариса АБДУЛЛИНА БАЙМАҠ Ниңә Баймаҡ шулай йыраҡ икән? (Юҡ, әйтмәйем күңел араһын). Имләйем тип гел юлланыр инем Йөрәгемдең милли яраһын. . . (Дауамы беҙҙең сайтта).
Лариса АБДУЛЛИНА
БАЙМАҠ
Ниңә Баймаҡ шулай йыраҡ икән?
(Юҡ, әйтмәйем күңел араһын).
Имләйем тип гел юлланыр инем
Йөрәгемдең милли яраһын.
Йүг(е)рә, атлай барып етер инем
Һуңғы сәсәндәрҙең еренә.
Был төбәктең ырыҫы һәм ҡото
Мәркәздәрҙән асыҡ күренә.
Осоп ҡына барып төшөр инем
Ирәндектең аҫыл ташына.
Туған яғым тиеп бер өҙөлһәм,
Баймаҡ, тиеп күңел ашҡына!
(Э)ләгә- тәг(ә)рәй сығыр инем юлға,
Инәйҙәрҙән килһә бер хәбәр.
Уларҙың бит әйткәндәре – доға,
Фатихаға һүҙҙәр бәрәбәр!
Йәйәүләп та барғым килә минең –
Мөхәмәтша ҡайтҡан бит йәйәү!
Уға һөйләгәнде һөйләһәләр,
Серен асһа сихри бер йәйләү!
Баймаҡтарға барып оҙаҡ торһам,
Аптырамағыҙсы ҡайтмаһам.
Башҡорт рухы бында урғыла ул,
Ошо ерҙән сыға моң, илһам!
Һәр төбәгең йәнгә яҡын, илем!
Төпкөлдәрҙә рухҡа сал ҡуна!
Милләтемдең йөрәк илһамы ла
Баш ҡаланан алыҫ һаҡлана.
2018.
Читайте нас:
Редакция һайлауы
© 2024
Телефон
(34751)31326
Электрон почта
Адресы
453630, Республика Башкортостан, Баймакский район, г. Баймак, пр-т С. Юлаева, 38
Реклама хеҙмәте
(34751)31337
Редакция
(34751)21499
Ҡабул итеү бүлмәһе
(34751)31326
Хеҙмәттәшлек
(34751)21499
Кадрҙар бүлеге
(34751)21838