"С" хәрефенә хикәйә

"Сусҡа" саҡырған "Сысҡанды" Сусҡа саҡырҙы сысҡанды Сағылдағы сәхрәгә: – Сөкөрләшеп серләшербеҙ Сәйләп сыуаҡ сиҙәмдә. Самауыр сәйе сихәтле, Сәләмәтлеккә – сәбәп. Сөскөрмәҫһең, сирләмәҫһең, Сирең сигенер – сәғәт! Сырхау сысҡан саҡырыуға Сыйнап сәпәкәйләне, Самаһыҙ сөсөләнеүҙән Сыр-сыуланы, сәсәне. Сирле сәмле сабанланып, Сабауыллап сыуалды; Ситәндәге сүмес, сүлмәк Селпәрәмә сайралды. Салт сисенгәндә сырмалды Салбарының салғыйы. Сытайманы сымыры сысҡан, Сирылтманы сырайын . Суҡлы ситеген сығарҙы, Систе саңлы сабатаһын. Саталы сөйгә сирғытты Салыш-солош сапанын. Сулпыларын сылтыратып Сәсмәүләне сәстәрен, Сымылдығынан сығарҙы Сәйлән сиккән селтәрен. Сәк-сәген, сейәле сырын, Сөгөлдөрөн самалап, Сумаҙанына сумырғас, Сәфәр сыҡты сабырлап. Сағылдағы сауҡалыҡҡа Саҡрым саҡлы сабаһы. Сирләшкә, сибек сысҡандың Сығынланы самаһы. Селләлә сарсап, сатанлап, Сөйәлдәре сейләнеп, Сәйнәй-сәйнәй сикәһен Саҡ-саҡ сүкте сиҙәмгә. Сабырһыҙ сусҡа сыйылдап Сәләмләне сысҡанды: – Сәсеүлектәрҙе ситләтеп, Сәбәләнмәй сыҡһаңсы ! Сәсәкле скәтир ситенә Сүгәләне самауыр. Семәрле сәйнүк – сынъяһау, Сынаяҡтар – сафъяндыр... Суҡ сағандың сатырында Сәйләнеләр сәк-сәкләп. Сынаяҡтарҙы сыңлатып Сәтләүекләп, сейәләп. Сәскә сәйенең сихәте Ситкә сиктерҙе сирҙе. Сәхрәгә сыҡты сәйхурҙар, Сырмалды сер сылбыры. Сағылдағы сауҡалыҡтың Сите суғылйым сейә, Селбер селек, сәскәлек, Сихри сафлыҡ, серлелек... Сиңерткәләр сырылдаша, Серелдәй сер(е)кәй, себен, Сал сапсан саңҡый сусаҡта, Сайҙа сайҡала селән. Сағанлыҡта сутылдаша Сыйырсыҡтар, сәпсектәр, Сәүкәләр селәү сүпләйҙәр Сәүкелдәп сәсеүлектә. Сауҡалыҡтан ситтәрәк Саф Самаҙы сылтырай, Сөңгөлгә сумып супылдай Суртан, сабаҡ, сурағай. Сабынлыҡта салғы сыңы, Сыңғыраша саптарҙар Сеү! Сел сутылдай сытырҙа, Сабыйҙары сыҡҡандыр. Сапты секундтар, сәғәттәр, Сөкөрләште серҙәштәр. Сысҡанға сер систе сусҡа Сылтырағас сәғәте: ­– Сирткәс сикке секундтарым Саҡырамын сиратҡа. Сәләмәтлегең самала ,Сәфәрең сасҡау саҡта. Сойорғотоп сирҙе сүлгә Сәләмәтләнде сысҡан, Сыныҡты: сумды сөмбәйгә, Соҡор-саҡырҙан сапты. Спортсы сысҡан саңғыла ла Санала ла сос саба. – Сабый саҡтан сынығыу, – ти – Сәләмәтлеккә сара. Сусҡа сутлай сәғәттәрен, Секундттарын серәшеп. Сысҡан сәсәй-сәсәй саба . Сәләмләргә серҙәшен. Фәниә Ғәйнуллина.