14 декабрь Әбделкәрим ауыл клубында командалар араһында Башҡорт теле көнөнә арналған квест уйын үткәрелде. Был уйында 4 команда: Ҡыуат ауылы ир-егеттәре, мәктәп, "Түңгәүер" фольклор коллективы һәм ауыл хәкимиәте эшселәре көс һынашты. Проекторҙа Башҡортостан тарихы һәм уның мәҙәниәте темаһына 4 этапта бик фәһемле лә ҡыҙыҡлы ла һорауҙар күрһәтелде.Уйын барышында музыкаль паузалар менән командаларҙы дәртләндереп тә ебәрҙек. Һөҙөмтәлә Ҡыуат ауылы ир-егеттәре еңеү яуланы. Афариндар! Сара бик күңелле үтте. Ошо күңелле сара-квест уйынында ҡатнашҡан барлыҡ командаларға үҙемдең исемдән ҙур рәхмәтемде белдерәм. Уларға ныҡлы һаулыҡ, бәхетле ғүмер, йорт-илдәр тыныс тороп гел шулай әүҙем булыуҙарын теләйем!
Зифина Шәйдуллина,
Әбделкәрим ауылы мәҙәни саралар ойоштороусы.