Исмәғил атлы батыр үҫә!

Исмәғил Йыһануров - Бөрйән районының Иҫке Собханғол ауылынан. Ул 4-се класта белем ала. Уҡытыусыһы Рәғиҙә Истәкова менән “Урал батыр” эпосынан 851 юл ятлаған. Исмәғилде сығышын ҡарап, шундай талантлы шәхес үҫеүенә һоҡланып ҡуйҙыҡ. Үҙенә бүленгән бер нисә минутта ул бар һөнәрен күрһәтеп өлгөрҙө. Ҡурай ҙа тартты, ҡумыҙ ҙа сиртте, дөнгөр ҙә һуҡты. Ә инде эпосты һөйләүен һәр кем һоҡланып тыңланы.