Баймаҡҡа Салауат Юлаев килде

Тулыраҡ беҙҙең сайтта.

“Башҡорт аты” фестивалендә Силәбе өлкәһенән тимерсе Эдуард Таджетдинов та ҡатнаша. Ул “Оҫталар ҡаласығы” күргәҙмә-конкурсына үҙе тимерҙән сүкеп эшләгән башҡорт халҡының милли батыры Салауат Юлаевтың һынын алып килгән. Скульптура 250 килограмм ауырлыҡты тарта. Уны Баймаҡҡа алып килеү өсөн тимерсе махсус арба һатып алған. - Проектымды тормошҡа ашырыу өсөн өс йыл китте, - ти Эдуард Таджетдинов. - Тулыһынса ҡулдан эшләнелгән скульптура. Бары тик иретеп йәбештереү аппараты, болкарка, металды киҫеүсе ҡайсы һәм сүкеш кенә ҡулландым. Башҡорт халҡының милли батырын һынландыра алыуым менән ғорурланам.