Атаһының юлын лайыҡлы дауам итә

Атанан күргән – уҡ юнған, тигәндәй, “Башавтотранс” дәүләт унитар предприятиеһының
Баймаҡтағы филиалында водитель булып эшләүсе Фәнил Самарбаев та атаһы юлын һайлай. Ул да атаһы Йәмил Салих улы кеүек автобус водителе булып эшләй. 

“Минең бала сағым Баймаҡ АТП-һының гаражында үтте. Атайым миңә шаяртып “капотта тыуған малай” тип әйтә торғайны”, – ти ул.

Ҡасандыр Баймаҡ АТП-һына слесарь булып эшкә төшкән Фәнил Йәмил улы хәҙер инде тәжрибәле водитель. Ул алыҫ рейстарға йөрөй. Тырыш хеҙмәте Маҡтау ҡағыҙҙары менән баһаланған. 

Барлыҡ водителдәрҙе һөнәри байрамдары – Автомобиль һәм ҡала пассажир транспорты хеҙмәткәрҙәре көнө уңайынан ихлас ҡотлайбыҙ. Һикәлтәһеҙ һәм уңышлы сәфәрҙәр юлдаш булһын!
Э.ХАРИСОВА.