Беренсе этҡолдар байрамға әҙер!

"Беренсе Этҡол урта мәктәбе Яңы йылды яҡшы кәйефтә ҡаршыларға әҙерләнә", тип беҙгә хәбәр итә Миңлегөл Төхвәт ҡыҙы Моталлапова.

Тиҙ арала Беренсе Этҡол мәктәбе ихатаһында уҡыусылар, ата-әсәләр, уҡытыусылар тырышлығы менән матур ғына ҡар һындары ҡалҡып сыҡты. Ҡар һындарының да ниндәйе бит әле!

Биҙәлгән шыршы ла уҡыусыларҙың күңеленә шатлыҡ өҫтәп тора.

Афарин, беренсе этҡолдарға! Һис шикһеҙ Яңы йыл бәхеттәр һәм шатлыҡтар менән аралашып килһен!