4 декабрь — Ҡыш бабайҙан бүләк һорай торған көн

Бөгөн үҙенсәлекле байрам. Ул етеп килгән Яңы йылға арнала. Ҡыш бабайҙан бүләк һорап хат яҙа йә һорай торған көн. Был байрам Ҡыш бабайға һәм мөғжизәгә ышанғандарҙың байрамы.

Ғәҙәттә тап 4 декабрҙә күп кенә илдәрҙә почта бүлексәләре Ҡыш бабайға яҙылған хаттарҙы ҡабул итә башлайҙар. Бында балалар ҙа, ата-әсәләр ҙә күптән хыялланған бүләген һорап, хат ебәрәләр. Ә сал сәсле тылсым эйәһе уны мотлаҡ ғәмәлгә ашырыр булған.

Ни өсөн тап 4 декабрҙәме? Яңы йылға күп ҡалмаған. Ә Ер шарыбыҙ ҙур. Ҡыш бабайға хат барып етһен өсөн тап ошо ваҡыт талап ителә. Тирә-яғығыҙға иғтибарлыраҡ ҡарағыҙ әле: төрлө төҫтәге уттар яна башланымы?
Етеп килгән Яңы йыл менән һәммәбеҙҙе лә!