Ҡар һыуына барайыҡ

Ишбирҙе ауылының "Хәтирә" фольклор ансамбле инәйҙәре балаларға "Ҡар һыуына барыу" йолаһын күрһәтте. Был онотолоп барған халҡыбыҙҙың йолаһы балалар өсөн яңылыҡ булды. "Ағинәйҙәр" ойошмаһы етәксеһе Ләлә Иҙелбаева ҡар һыуының шифаһы, файҙаһы тураһында һөйләп үтте. Һуңынан балалар тәмле ҡоймаҡтар менән һыйланып, сәй эсте. Улар өсөн төрлө милли уйындар ойошторолдо, бүләктәр таратылды.