Бөтә яңылыҡтар
Байрамдар, юбилейҙар
6 Ғинуар 2021, 16:12

Тыныс, ныҡыш, ҡаратырыш - 5

2021 йылда, Көнсығыш календары буйынса, Аҡ металл Ҡомаҡҡа алмашҡа шундай уҡ Аҡ металл Һыйыр килә. Беҙҙең арала кемдәр “Һыйыр”? “Һыйыр” булараҡ, улар ниндәй? Башҡаларҙан нимәһе менән айырыла? Йондоҙнамәгә ышаналармы? Шулай итеп, һүҙҙе “Һыйыр”ҙарға бирәбеҙ.Гөлназ Шәриф ҡыҙы Хәмитова, “УралСиб” банкы мөдире, 1985 йылда тыуған:

Гөлназ Шәриф ҡыҙы Хәмитова, “УралСиб” банкы мөдире, 1985 йылда тыуған:
– Мин икеләтә “Һыйыр”. Сөнки йондоҙнамә буйынса ла “Буға” айында – 9 майҙа тыуғанмын. Бәлки, шуғалыр ҙа мин, халыҡсан итеп әйткәндә, ҡаратырыш. Алдыма алғанды эшләмәйенсә туҡтамайым. Маҡсатыма ынтылып йәшәйем. Ләкин характерым йомшаҡ. Кешеләргә изгелек эшләйем дә үҙем ҡыуанам. Тыныслыҡ яратам. – Позитив ҡарашты үҙ итеп йәшәйем. Тормош девизым: ҡайҙа мин – шунда яҡшы. Шунлыҡтан эргә-тирәмдәге кешеләрҙең ниндәй йондоҙлоҡ аҫтында тыуыуына ҡарамаҫтан, уларҙан да бары тик изгелек көтәм. Үҙ йылым тотороҡло булыр, тип ышанам. – Йондоҙнамәгә ышанып етмәйем. Дөрөҫ, бер аҙ күҙәтеп барам. Унда яҙылғандар буйынса ғына йәшәп булмай бит. Миңә яҡшы йыл буласаҡ, тип көтөп ятып, ғүмерҙең уҙғанын һиҙмәй ҙә ҡалырға мөмкин.