Тыныс, ныҡыш, ҡаратырыш - 3

Ғәлим Булат улы Сәлимов, Ленин исемендәге АХК рәйесе, 1961 йылда тыуған:

- “Һыйыр”- ҙар улар – тыныс холоҡло, ярҙамсыл, ныҡыш кеше. Алға ҡуйған маҡсаттарына ынтылыусандар. – Халыҡ һынамышы буйынса, Һыйыр йылы муллыҡ, байлыҡ килтерә, тиҙәр. Был осраҡта мин үҙемә генә түгел, ә барлыҡ ауыл хужалығы тармағында мул уңыш алыуға өмөт тотам. Башҡа уҙған йылдар менән сағыштырып ҡарап та шуны әйтә алам. Һыйыр йылы һәр ваҡыт уңыш килтерә. – Йондоҙнамәгә улай уҡ ышанып бөтмәһәм дә, ҡарап, байҡап барам. Ауыл хужалығы тармағында эшләгәнлектән, фараздарға байҡау яһамай булмай. Беҙҙе, мәҫәлән, йылдың нисек килеүе, һауа торошоноң ниндәй булыуы ҡыҙыҡһындыра.