Тыныс, ныҡыш, ҡаратырыш - 1

Әҙеһәмова Зәйтүнә Ғәлимйән ҡыҙы, Баймаҡ ҡалаһында йәшәй, 1937 йылда тыуған:

- Үҙем тап шул һыйыр йылында тыуғанғамы икән, белмәйем, уларҙы яратам. Шунлыҡтан Баймаҡ ҡалаһында йәшәһәк тә ғүмер буйы һыйыр тоттоҡ. “Һыйыр”ҙар тыныс холоҡло. Кешегә ярҙам итергә үлеп торалар. – Башҡа йыл хужалары менән сағыштырып ҡарағанда Һыйыр бит ул муллыҡ килтерә. Һөтөн дә, майын, да, ҡатығын да бирә. Тимәк, быйыл илгә ҡот ҡайтыр, тип ышанам. – Йондоҙнамәгә ышанам. Ул бит халыҡ юрауҙары менән эшләнә. Ҡарап, өйрәнеп барам. Яҡшы хәбәрҙәрен күрһәм, ҡыуанып, өмөтләнеп китәм. Нисек кенә булмаһын, донъялар имен торһон. Беҙгә шул ғына кәрәк.