Ҡыш бабай менән бергә Дед Мороз идет...

Ҡыш бабай менән бергә Дед Мороз идет...

Баймаҡ ҡалаһының Салауат Юлаев проспекты был көндө оло байрамға әйләнде. Ғәҙәти булмаған сараға олоһо ла, кесеһе лә йыйылды. Шулай булмай ни – бер юлы шул ҡәҙәр күп Ҡыш бабайҙы ҡайҙа күрергә мөмкин булыр ине тағы?

Ҡаланың мәғариф учреждениелары – мәктәп һәм балалар баҡсаларынан килгән Ҡыш бабайҙар һәм Ҡарһылыуҙар баймаҡтарға байрам кәйефе бүләк итте. Улар “Ирәндек” кинотеатрынан үҙәк майҙанға тиклем парадта үтте. Яңы йыл ҡаласағында иһә ҙур тамаша ойошторолдо. Халыҡ ижады үҙәге коллективының артистары - әкиәт персонаждары, Ҡыш бабай һәм Ҡарһылыуҙар балалар менән берлектә йәшел Шыршы тирәләй әйләнде, күңелле йырҙар башҡарҙы, бейергә лә тыпырҙатып төштөләр. Һуңынан улар ҡаланың физик мөмкинселеге сикләнгән балаларға күстәнәстәр таратты.

Лилиә ТАКАЕВА.

Автор фотоһы.