11 ноябрь нимә вәғәҙәләй?

Бөгөнгө көн нимә эшләргә ярай һәм ярамай? Уларҙың ҡайһы берҙәре көлкө һымаҡ тойолор. Шулай ҙа күҙ һалып, һынап ҡарайыҡ әле. Тап килерме икән?

Бөгөн әгәр баҫыуҙа йөрөгән бүреләрҙе күрһәгеҙ – киләһе йыл уңыш булмаясаҡ, һуғыш тыуасаҡ, тыныслыҡ юғаласаҡ.

Әгәр бөгөн көндө ғаиләгеҙ менән үткәрһәгеҙ, бер-берегеҙгә булған мөнәсәбәттәрегеҙ яҡшырыр, татыулыҡ артыр.

Әгәр ҙә инде таныш булмаған кешеләр менән көнөгөҙ үтһә - тауыш ҡубасаҡ.

Был көндө балағыҙҙы бер үҙен генә ҡалдырмағыҙ – бәлә килеүе ихтимал.

Әгәр ҙә бөгөн алһыу муйынсаҡ таҡһағыҙ – ул бәхет килтерер. Ҡыҙ кеше үҙенең буласаҡ тормош иптәшен тап итәсәк. Әгәр ҙә уны өйгә элеп ҡуйһағыҙ – яман күҙҙәрҙән һаҡлар.

11 ноябрҙә тыуғандар – оҙон ғүмерле булыр һәм улар йәнлектәрҙең телен аңлар.