Билал ауылы ололары тәбрикләнде

Бөгөн Билал ауылының ололарын тәбрикләү тантанаһы үтте. Уларҙы ауыл биләмәһе башлығы И. Ш. Саптаров, ҡатын - ҡыҙҙар советы рәйесе И. А. Әминева, ауыл китапханасыһы Р. Э. Булатова ҡотлап, изге теләктәрен еткерҙе.

Мәктәптең "Йәйғор" ансамбле етәксеһе Дилара Әхмәтованың бейеүсе ҡыҙҙары тарафынан әҙерләнгән матур бейеүҙәр, Юлдаш Булатовтың нәфис һүҙе, мәғариф ветераны Фирҙәүес апай Ҡаһарманова, Гөлнира апай Ҡаһармановаларҙың музыкаль сәләме ололарға байрам бүләге булды.

Байрам мөбәрәк булһын! Ололарға ҡәҙер, хөрмәт байрам көндәрендә генә түгел, һәр ваҡыт булһын! Ауылымдың йәме, ҡото, нуры булып оҙон - оҙаҡ ғүмер итегеҙ, ололар!

Райхана Булатова,

китапханасы.