Һөнәрегеҙ шатлыҡ бирһен!

Хөрмәтле медицина хеҙмәткәрҙәре һәм һаулыҡ һаҡлау өлкәһе ветерандары!Медицина хеҙмәткәре көнө айҡанлы ихлас ҡотлауҙарҙы ҡабул итегеҙ.Был көн һайын иң ҡатмарлы мәлдә профессионализмы, эшһөйәрлеге, кешелеклелеге һыналған тотош армияға тиң кешеләрҙең байрамы. Бөгөн медицина хеҙмәткәрҙәре яңы коронавирус инфекцияһы менән көрәштең иң алғы һыҙығында, күптәр һөнәри байрамын үҙҙәренең посында ҡаршылай. Сирҙең байрамы ла, ялы ла булмаһын һеҙ башҡаларҙан яҡшыраҡ аңлайһығыҙ. Һөнәрегеҙ һеҙгә күңел ҡәнәғәтләнеүе, сәләмәт тормош шатлығы бүләк иткән пациенттарығыҙҙың ихлас рәхмәтен алып килһен. Эшегеҙҙә уңыштар, бәхет, ғаилә именлеге һәм, әлбиттә, ныҡлы һаулыҡ теләйем.Фәнис ӘМИНЕВ, район хакимиәте башлығы.