Яраттарҙың ғорурлығы ул - музей

2016 йылдың апрелендә "Берҙәм Рәсәй" партияһының "Аныҡ эштәр" программаһына ярашлы, Ярат ауыл мәҙәниәт йортонда музей булдырыла. Унда бөгөн төрлө мөйөштәр булдырылған һәм уларҙа тарихи ҡомартҡылар, бай мәғлүмәттәр тупланған. Бөйөк Ватан һуғышында ҡатнашыусыларға арналған, башҡорт халҡының боронғоһон сағылдырған, Карл Маркс исемендәге колхоздың тарихын һүрәтләгән, хеҙмәт алдынғыларын күрһәткән музей бөгөн яраттарҙың ғорурлығы булып тора.

Музейҙа колхоздың тарихы, уның тәүге рәйестәре, хеҙмәт алдынғылары, һуғыш ветерандары, мәктәп һәм башҡа социаль структуралар тураһында бай мәғлүмәт бар.

Музейҙар көнөнә ҡарата бында онлайн-экскурсия үтте. Уны интернет киңлектәре аша китапханасы Зифа Аксарина менән мәҙәни саралар ойоштороусы Сулпан Үҙәнбаева алып барҙы.