Китап уҡыйбыҙ ғаилә менән!

Билал ауыл китапханаһы иғлан иткән "Ғаилә менән уҡыйбыҙ" акцияһына бик күп ауылдаштар ҡушылды.

Ғаилә менән бергәләп өй эштәрен эшләргә, ял итергә һәм әлбиттә китап уҡырға ла була. Билал ауыл китапханаһы Ғаилә көнөнә "Ғаиләбеҙ менән китап уҡыйбыҙ" исемле акция иғлан итте. Уның сиктәрендә ғаиләләр үҙҙәре яратып уҡыған китаптары тураһында яҙып, уҙған йылдан китапханала барған "Уҡыған китабың тураһында хат" проектына ҡушылырға, бергәләп фото төшөргә тейеш ине. Ғаиләләр һорау алыуҙа ла ҡатнашты. Яуаптарҙан сығып ошондай мәғлүмәттәр билдәле булды: уҡыусылар әкиәт, ҡыҫҡа хикәйәләр, ә ололар Г. Ғизәтуллина, Л. Яҡшыбаева, Т. Ғарипова, Г. Мостафина, Ә. Үтәбай, Т. Ғиниәтуллин, Д. Бүләков һәм башҡаларҙың китаптарына өҫтөнлөк бирә икән. Йәштәр фантастика, мөхәббәт тураһында китаптар уҡый. Афарин!

Райхана Булатова,

Билал ауылы китапханасыһы.