Бөгөн 26 йәш ғаилә барлыҡҡа килгән

Бөгөн, 15 май - Халыҡ-ара ғаилә көнөндә, республиканың граждандарҙың ғаилә хәле акттарын теркәү бүлектәрендә 26 пар үҙ никахтарын теркәгән. Йәғни, 26 йәш ғаилә барлыҡҡа килгән. Шуларҙың 11-е Өфөлә. Йәштәрҙең һөйөүенә хатта пандемия ла ҡаршы тора алмаған. Ә шулай ҙа барлыҡ һаҡланыу сараларын күҙәтеп, тантанаға йәштәрҙең үҙҙәренә генә килергә рөхсәт ителгән. Бәхетле ғаиләләрҙең барыһына ла "Беҙ Халыҡ-ара ғаилә көнөндә өйләнештек" тигән ҡотлау хаттары тапшырылған.

Йәш ғаиләләрҙе ихлас күңелдән ҡотлайбыҙ!