Яңы йылға үтенес

Күҙ астым да йомдом – йылым үтте, Йылдарымда бик аҙ айырма… Яңы йылым! Күпте һорамайым: Иҫке бәхетемдән айырма!

Яңы йылға үтенес.

Күҙ астым да йомдом – йылым үтте,

Йылдарымда бик аҙ айырма…

Яңы йылым! Күпте һорамайым:

Иҫке бәхетемдән айырма!

…Һау-сәләмәт булһын яҡындарым,

Эшем булһын, булһын ашым да,

Донъям артып торһон, йән киҫәгем

Балҡып торһон гелән ҡаршымда.

Элеккесә йортом ҡотло булһын,

Ишле булһын әйҙә мал-тыуар!

…Иҫке декабрҙе этеп-төртөп,

Тапап килә яңы ғинуар!

Кемгә яңы кәрәк – һораһындар!

Күңелемде бер үк аҙҙырма!

Өҫтәп бәхет бирһәң, ризамын, тик

Иҫке бәхетемдән яҙҙырма!!

Фирүзә Абдуллина

Читайте нас:

Редакция һайлауы