Бөтә яңылыҡтар

КӘРТӘЛЕ ТОРМОШ

#Һаҡмар_конкурс_АйратСирбаев Ҡәҙерле дуҫтар! Рәсимә Вәлиеваның йәнә лә ике тшиғырын тәҡдим итәбеҙ. Рәсимә өсөн тауыш бирергә теләһәгеҙ, сайтҡа инеп шиғырҙарын уҡығыҙ. Лайктарығыҙҙы йәлләмәгеҙ.

КӘРТӘЛЕ ТОРМОШ

Уйҙар уйлап уйылып барам,
Уйҙар һыймай башыма.
Кеше кеүек йәшәп булмай.
"Их" тим кәртәле яҙмышыма.
Ни генә эшләһәм дә,
Ҡаршылыҡ аҙым һайын.
Йырып сығып булмай.
Сеймәлгән бит аяғым.
Сеймәлгәнен Һүтеп булмай,
Сырмалған да сырмалған.
Әсә ҡарынында уҡ
Ошо сырмалсыҡты
Һүтәмен дә һүтәмен.
Ҡасан ғына сырмалсығын
Тағатып, һүтеп бөтөрмөн.
Һүтәмен... Ә бит йәшәгәс,
Күрге килә бәхетен!
Һаулығын һәм байлығын,
Татып бәхет шишмәһен...
Тормош юлы үҙе ауыр юл,
Уны арып-талып үтәһең.
Арып-арып хәлдән тайғас,
Доньянан да китәһең...

ТАЯҠЛЫ КЕШЕЛӘР КҮП ИКӘН

Ҡарап торһаң
Кешеләргә
Кешеләре әҙ ҙә,
Машиналары
Бик күп икән!
Кешеләрҙең
таяҡлылары --
Улары ла күп икән!
Таяҡлылар –
Юл ҡазаһы
Күреүселәр !
Машиналар –
Нимә эшләне???
Кешеләрҙе
Өс аяҡлы
Яһанылар.
Тағы ла
Кредит алып
Тырышһалар
Таяҡлылар ҙа
Йөрөмәҫ әле...
Бар нәмә хәҙер
Сит илдәгеләй
Булды бит инде.
Отоп алып ҡына
Йәшәп ятыу шул инде!

ЙЫР ТЫҢЛАЙЫМ

Рәхәтләнеп йыр тыңлайым!
Ниндәйҙәре генә юҡ уның!
Моңло йырҙар - уйландыра.
Иҫләтә ғүмерҙең үткәнен...
Күңеллеһе – ҡыуандыра,
Тыпырлатып бейеп йөрөтә.
Рәхәтләнеп йыр тыңлайым.
Дәртем уята күңелемдә...
Йәшәгеләр килә
Тыңлап йырҙарҙың матурын
Мөғжизәләй сихри донъяла
Йырҙай ҡаршылап уның таңын.

Рәсимә Вәлиева

Читайте нас в