+12 °С
Ямғыр
Бөтә яңылыҡтар
Айрат Сирбаев исемендәге конкурс
5 Февраль 2020, 01:05
Яңғыҙ ҡайын
#Һаҡмар_конкурс_АйратСирбаевҠәҙерле дуҫтар! Ҡаршы алығыҙ -- сираттағы конкурсантыбыҙ Вилиә Кинйәбаева.Вилиә Рәүил ҡыҙына 17 йәш. Ул Урал Аръяғы Агросәнәғәт колледжында 2-се курста уҡый. Урманда үҫә яңғыҙ ҡайын,Кәрәкмәгәндәй һис бер кемгә,Шундай яңғыҙлыҡ ишек ҡаҡмаһын,Һис ҡасанда бер кешегә.
Яңғыҙ ҡайын
Урманда үҫә яңғыҙ ҡайын,
Кәрәкмәгәндәй һис бер кемгә,
Шундай яңғыҙлыҡ ишек ҡаҡмаһын,
Һис ҡасанда бер кешегә.
Яңғыҙ булырға Хоҙай ҡушмаһын,
Яңғыҙ ҡалмаһын бер бала ла.
Яңғыҙ ҡайын кеүек яңғыҙ булырға,
Яҙмаһын кешегә был донъяла.
Яңғыҙ ҡайын яңғыҙлыҡтан,
Үкһеп һыҡтай, япрағын ҡоя,
"Ниңә яңғыҙмын, ҡайҙа парым? - тип,
Минут һайын ул уйлап ҡуя.
Яңғыҙ ҡалмағыҙ дуҫтар бер ҡасан да,
Һаҡлағыҙ һеҙ бер-берегеҙҙе.
Яңғыҙ ҡайын кеүек ҡала күрмәгеҙ,
Ҡәҙерләгеҙ һеҙ бер-берегеҙҙе.
Атайым иҫтәлегенә
"Атай"- тиеп әйтә алманым,
Кәрәк саҡта кәңәш һорай алманым.
Төштәремдә генә күреп бары,
Һине уйлап һағынып иланым.
Бөгөн тағы төшкә керҙең,
Миңә ҡарап ҡатып ҡалдың.
Мин "атай" тиеп ҡысҡырҙым да
Һинең яныңа ҡапыл уҡталдым.
Тик һин һаман туҡтап тораһың,
Миңә ҡаршыма килә алманың.
"Атай, туҡтама кил яныма!" - тип,
Ҡысҡырҙым да ҡабат иланым.
Илама ҡыҙым, зинһар һөрт йәшеңде
Яҙмыш һынай беҙҙе шулай,
Ҡыҙым минең, яҙмыш һынауына,
Бер ҡасан да һынма улай!
Шулай тине лә атай, ҡабат китте
Өлгөрмәнем ҡабат ҡосаҡларға.
Атаҡайым, атайым һағынам һине
Ҡабат килсе минең төштәремә.
Ветерандар иҫтәлегенә
Ҡарт һалдаттар ҡайтҡан ауылға,
Бар донъяға таралған исемдәре.
Тыуған яҡ, изге ил өсөн һуғышып,
Ыҙалыҡта, ҡыйынлыҡта үткән көндәре.
Онотмайыҡ һуғыш батырҙарын,
Онотмайыҡ бөйөк ветерандарҙы.
Тыуған яҡ, тыуған тупраҡ өсөн,
Яу яланында ятып ҡалғандарҙы.
Беҙҙең аяҙ күгебеҙ тыныс булһын өсөн,
Ер йөҙөндә беҙ бәхетле булһын өсөн,
Һуғыштылар, ҡандарын ҡойҙолар,
Ер йөҙөндә изгелек булһын өсөн.
Оноторға тейеш түгелбеҙ уларҙы,
Беҙ тейешбеҙ улар менән ғорурланырға.
Күргән һайын рәхмәт әйтергә,
Уларҙың ышанысын аҡларға.
Вилиә Кинйәбаева.
Читайте нас:
© 2024
Телефон
(34751)31326
Электрон почта
Адресы
453630, Республика Башкортостан, Баймакский район, г. Баймак, пр-т С. Юлаева, 38
Реклама хеҙмәте
(34751)31337
Редакция
(34751)21499
Ҡабул итеү бүлмәһе
(34751)31326
Хеҙмәттәшлек
(34751)21499
Кадрҙар бүлеге
(34751)21838