Мин — Рәсәй Федерацияһы гражданы!

Мин - Рәсәй Федерацияһы гражданы! Баймаҡ ҡалаһының 1001-се һайлау участкаһында 18 йәше тулған 35 кеше беренсе тапҡыр һайлауҙа ҡатнашасаҡ. Шуларҙың береһе - Өфө яғыулыҡ-энергетика колледжының Баймаҡ филиалы студенты Ильнур Такаев. — Алдымда һайлауға барырғамы, юҡмы тигән һорау торманы, - ти ул. — Сөнки мин — Рәсәй Федерацияһы гражданы. Киләсәк йәштәр ҡулында. Тимәк, беҙҙең, йәштәрҙең дә тауышы мөһим. Шунлыҡтан мин һайлауҙан ситтә тороп ҡала алманым. Ҡартатайым, ҡәртәсәйем, өләсәйем, ата-әсәйем дә иртә менән барып тауыш бирҙе. Был мөһим сәйәси сарала һәр кем ҡатнашып, гражданлыҡ позицияһын күрһәтергә тейеш.