Баймаҡтар һайлау участкаларына ағыла

Бөгөн, берҙәм тауыш биреү көнөндә, Баймаҡ районы халҡы район Советына, Баймаҡ ҡалаһы ҡала биләмәһе советына депутаттар һайлай. Шулай уҡ Семеновск, Татлыбай, Түбә ауыл биләмәләрендә өҫтәмә һайлауҙар үтә.

Район буйынса 80 һайлау участкаһы эшләй, исемлек буйынса бөтөһе 42 444 һайлаусы иҫәпләнә. Быйыл 173 йәш граждан тәүге тапҡыр тауыш бирәсәк.

Әлеге ваҡытта район хакимиәте башлығы Фәнис Әминев үҙенең гражданлыҡ бурысын үтәне.