Һайлауҙар тыныс шарттарҙа бара

Баймаҡ ҡалаһының 1-се мәктәбендә урынлашҡан 1001-се һайлау участкаһындағы исемлектә бөтәһе 2550 кеше теркәлгән. Шуларҙың 13-ө быйыл беренсе тапҡыр гражданлыҡ бурысын үтәйәсәк. Һайлау участкаһы рәйесе Илшат Хисматуллиндың әйтеүенсә, алдан тауыш биреү мөмкинлеген 51 кеше файҙаланған. Иртәнге сәғәт 11-гә 156 кеше һайлауҙа ҡатнашҡан. Әле өс йүнәлеш буйынса өс бригада өйҙәрҙә тауыш биреүселәргә юлланған.

Һайлау тыныс шарттарҙа бара.

Хөрмәтле баймаҡтар, үҙ гражданлыҡ бурысығыҙҙы үтәргә ашығығыҙ! Һуңғы сәғәттәргә ҡалдырмағыҙ!